ஊழலை அழிப்பதும்
படிக்கட்டுகளைச் சுத்தம் செய்வதும்
ஒரே வழிமுறையில் தான் இருக்க வேண்டும்.
மேல் மட்டத்திலிருந்து ஆரம்பித்து
இறங்குவரிசையில் வரவேண்டும்!

- லீ குவான் யூ

தனிப்பட்ட புத்தகச் சேகரிப்பு என்பது
அமைதியாகச் சேரும் செல்வம்.

- நெப்போலியன் போனபார்ட்

நோக்கம் எதுவென்பதை முதலில் தீர்மானி.
அதுவே இலக்கு என்பதை உறுதி செய்து கொள்.

கையில் பணமில்லையே...
உடலில் வலுவில்லையே...
உதவி செய்ய நண்பர்கள் இல்லையே...

என்றெல்லாம் யோசித்து நேரத்தை வீணாக்காதே...

எதற்கும் பயப்படாதே... தயங்காதே...!
இலக்கை நோக்கி அடியெடுத்து வை.
தொடர்ந்து முன்னேறு.

சோதனைகள் வரும். பாதை தெளிவாகும்.
நோக்கம் அடைந்தே தீருவாய்.

அதை யாராலும் தடுக்க முடியாது.

 

தேவைக்கும் ஆசைக்கும் என்ன வித்தியாசம்?
சோத்துக்கும் சொத்துக்கும் உள்ள வித்தியாசம் தான்.